Tip:
Highlight text to annotate it
X
大家好!就黎情人節喇大家有咩準備呢?
大家都知道我平時鐘意留喺屋企多
我預備左情人節有咩可以喺屋企做嘅野介紹俾大家
仲可以同男朋友女朋友或者屋企人朋友仔一齊做架
首先就有呢啲DIY裝飾、禮物、小食同飲品…
要過一個完美情人節就係咁簡單喇!
當然要加埋啲浪漫嘅電影、音樂同靚相,又或者以上全部都得!
好快又好易整架咋!仲好可愛啱哂放上Intagram同朋友仔分享添!
好啦我地開始啦!
首先教大家整返個DIY情人節玻璃瓶
揀一個你喜歡嘅玻璃瓶,咩大小咩形狀都冇問題
貼上心型貼紙
貼實啲,確保冇空氣喺入面
噴或者塗上你鐘意嘅顏色
乾透之後就可以小心撕走貼紙
留返貼其他地方都可以架
再加啲絲帶
放燈泡或者蠟蠋喺入面,睇下!幾可愛!
又或者放啲糖果喺入面送俾朋友都可以架!
Hey!唔好偷睇呀係秘密!
你睇下幾得意~
放喺屋企或者餐枱招呼朋友都好適合
將假花嘅莖剪落
小心將花貼上發泡膠球,直至貼滿
再將花球放上花瓶上
唔止情人節,其實平時裝飾房間都一樣用得著!
每季轉換都可以架!
加埋絲帶!
搞掂喇!係咪又簡單又平又靚呢~
好啦之後就介紹小食
買新鮮士多啤梨再加上竹籤
小心剪開四邊,再將花瓣翻開
重點係要剪得薄同埋唔好剪咁深
雖然一開始試左幾次先成功,
但一掌握左要訣之後就好易架喇
之後繼續剪更多花瓣
之後再剪出一個螺旋型直至頂部,剪走個頂
雖然一開始試左幾次先成功,但一掌握左要訣之後就好易架喇
放哂佢地入花瓶入面
唔放都冇問題,依個人喜好
如果想加朱古力,用大碗裝熱水
放另一個大碗喺上面坐熱朱古力
如果你係素食者就可以揀不含牛奶嘅黑朱古力
將朱古力倒入去
不過整完我覺得冇朱古力好似靚啲
超可愛同埋好適合Party呀,大家應該都會好鐘意!
將脆餅放喺烘焙盤上面
將溶左嘅朱古力滴上去
素食嘅朋友可以用黑朱古力啊
再用彩糖或者你鐘意嘅糖果做裝飾
放佢地入雪櫃凝結啦
完成就可以上碟架喇
好靚啊!
最後再整埋飲品
想整個人化嘅杯可以買呢啲玻璃杯返黎再自己貼上貼紙
再用貼紙加上人名就得架喇
用士多啤梨加少少水打成沙冰狀
倒入心型製冰模
再放入雪櫃雪至結冰
結冰之後就可以隨意放入飲品入面啦~
平時我都係飲清水多,但今日就特別啲加蘇打水
變成士多啤梨味蘇打水喇!好味啊!
希望你地鐘意呢段Video啦!
我仲想知大家情人節會點過呀
如果你有咩得意禮物記住留言俾我呀
希望大家同情人有個甜蜜情人節
過一個又快樂又完美嘅一日!
情人節快樂!